Qol.Az
Canlı nəticələr
WAP
RSS Qol.Az Facebook-da

Ana səhifə
Bütün Xəbərlər
Müsahibə
Foto
Olimpiya-2016

Video
Tarixin şəkli
Turnir cədvəli
Premyer Liqa
Yazarlar
Etopaz
Layihə
Arxiv
Haqqımızda
Reklam
Əlaqə
Rəşad Sadıqovun 14 yaşı olanda... – Tarixin şəkli

Yazarlar
 Biz və gürcülər
Aydın BAĞIROV
 İmkan verməyin, “Futbol saatı” bağlansın...
Aqil Abbas
 Futbolmuzun Nicatı naminə!
Anar Şabanoğlu
 İkinci Rəşad olmayacaq
Nurlan İBRAHİMOV
 Bakıdan... Tuluzayacan
Şakir YAQUBOV
Fotoreportaj
Bütün 
"Səbail" - "Qəbələ" - Şəkillər
Top 5
Bu gün onların toyudur
Avroliqanın finalı rəsmən Olimpiya stadionunda - UEFA açıqladı
Bakı, yoxsa Madrid? - UEFA qərarı bu gün açıqlayır
"Real"dan gözlənilməz məğlubiyyət, "Atletiko"dan qələbə
Dino Ndlovu milliyə çağırıldı
Linklər
525ci Qəzet

Stadionun yolunu tanımayan futbol azarkeşləri
A A A

[25.11.2016]
Stadionun yolunu tanımayan futbol azarkeşləri

«Qarabağ»la «Qəbələ» uduzdu. Bu futboldu, futbolda da həmişə qələbə olmur. Əsas odur ki biri var oynaya bilməyib uduzasan, biri də var can qoyasan uduzasan. Hər ikisi can qoydu, amma şans onlardan yana olmadı. «Qəbələ»nin futbolçusu o penaltini vursaydı, tamamilə ayrı bir hesab görəcəkdik. Şanssızlıq.

İndi baxıram ömründə bir dəfə stadiona getməyənlər, stadionun yolunu tanımayanlar sosial şəbəkələrdə və saytlarda hamısı Qvardiola olub, Maurinyo olub! Yıxıb sürüyürlər bizimkiləri. Mən hərdən bu fikrimi təkrar edirəm, futbol çox faciəli, dəhşətli bir oyundu. Dünən çiynində gəzdirdiyin məşqçiləri və ya futbolçuları bu gün uf demədən ayaqlar altına alıb tapdamaq istəyirlər. Dünən Qurbanova, Qriqorçuka mədhiyyə oxuyanlar bu gün qılınclarını sıyırıblar ey.

Sevimli komanda udanda qarabağlılar demiş, nənəm də mədhiyyə deyər. Oğul odur ki, komandası uduzanda ona sahib çıxsın, dəstək olsun, onu ruhdan düşməyə qoymasın.

Bir rus siyasətçisinin sözüdü. Deyir, hamı üç məsələ üzrə professordu: futbol, kino, bir də polis. Mən oyunu belə qurardım, filan oyunçusunu sağdan oynadardım, filan oyunçunu soldan oynadardım, dəyişikliyi filan zaman edərdim; mən bu filmi belə çəkərdim, aktyoru elə seçərdim; mən filan cinayətin üstünü belə açardım, cinayətkara belə tələ qurardım və sair və ilaxır. Düzdür, indi dördüncü də var, bu da siyasətdi: Qarabağı belə azad edərdim, Rusiya ilə münasibətləri belə qurardım, ABŞ-la belə iş görərdim və sair və ilaxır. Belə sinəsinə döyənlərin 90 faizini araşdırsan, görərsən ki, heç öz çalışdığı peşəni normal yerinə yetirə bilmir, amma hamıya dərs deyir.
İndi sosial şəbəkələrdə, xüsusilə yaxalarını cıranların, elə yazdıqları statuslardan intellektləri məlum olur.

Qayıdaq yenə futbola. Üç misal çəkəcəm. Türkiyənin bir əyalət komandası, deyəsən «Rizəspor» idi, «Qalatasaray»a babat hesabla uduzmuşdu. Jurnalistlər düşmüşdü məşqçinin  üstünə ki, niyə uduzdun.
Gülüb dedi:

- Rəqib mənim üstümə S-300 füzələri ilə, F-16 təyyarələrlə, son model tanklarla hücuma keçib. Bizim də əlimizdə bir-iki beşaçılan var, altı-yeddi də kalaş.
Yəni onu demək istəyirdi ki, «Qalatasaray»ın oyunçularının hərəsinin 5-10 milyon qiyməti var, bizim futbolçuların da hərəsinin 200 min.

Bir gözəl sözü də Rəşad Sadıqov demişdi. Gərək ki, milli komandamız almanlarla oynayırdı və uduzduq. Almaniyanın da hücumçuları hərəsi «Rizəspor»un məşqçisinin dediyi kimi, S-300 füzəsi. Rəşad Sadıqova dedilər ki, niyə hücumçuların qarşısını kəsə bilmədin? Rəşad da gülümsəyib dedi:
- Onların qabağını kəsə bilsəm, gedib «Barselona»da, «Real»da oynayaram da.
Yəni müəyyən həqiqətləri görmək istəmirik. Və yaxud görürük də, bilirik də, müdirimizin hayıfını futbolçulardan çıxmalıyıq da.

Və üçüncüsü. Bu sözüm stadionun yolunu tanımayan azarkeşlərədi.

Bir dəfə «Qarabağ» «Kəpəz» ilə Azərbaycan kuboku uğrunda Tofiq Bəhramov stadionunda final oynayırdı. Mən də oyunun ən yaxşı futbolçusu üçün bir bahalı qılınc hədiyyə edəcəyimi bildirdim. Və oyundan əvvəl də stadionda elan etdilər. «Qarabağ» «Kəpəz»ə uduzdu. Həmin oyunun ən yaxşı futbolçusu da «Kəpəz»in oyunçusu Ramiz Məmmədov seçildi. Mən də enib həmin qılıncı təmtəraqlı şəkildə Ramiz Məmmədova təqdim etdim.

Stadiondan çıxarkən bir ağdamlı yaxınlaşdı mənə, məndən də yaşca böyük idi, az-çox da hörmətini saxlayardım. Qəribə bir ədayla, özündən razılıqla və ironiya ilə dedi:

- O qılıncdan ikisini gətirib verərdin də gəncəlilərə.

Bu adam ilk dəfəydi «Qarabağ»ın oyununa gəlmişdi. Onu stadionda ilk dəfəydi görürdüm. Yoldaşlar zorla saxladı, boğacaqdım onu. Amma dişimin dibindən çıxan bir-iki sözü dedim. Mənə «Qarabağ»sevən çıxmışdı.

İndi «Qəbələ»nin oyununu izləyirdim, ürəyim ağrıdı. Stadionun az qala 70 faizi boş idi. Sən futbola getdinmi, futbolçuya dəstək oldunmu, komandanın 12-ci oyunçusuna çevrildinmi ki, futbolçular da ruhlanıb oynasınlar. Həmin gün «Mançester Yunayted» də oynayırdı, iynə atsan stadiona düşməzdi. Deyəcəksiniz ki, onlar yaxşı oynayır, ona görə gedirlər, sən də get, səninkilər də yaxşı oynasın. Boş stadionda oynayan futbolçu tamaşaçısız teatrda oynayan aktyor kimidi. O aktyorun yaşadığı faciəni hiss edə bilərsinizmi? Futbolçu da elə.

Yadınıza bir futbol hadisəsi də salım. «Fənərbağça»nı cəzalandırmışdılar və kişi azarkeşlərin stadiona gəlməyinə yasaq qoymuşdular. Onda qadınlar  komandalarına sahib çıxdılar. Budur komandaya sevgi, budur futbola sevgi.

İndi «Qarabağ»la «Qəbələ» oynayacaq. Gözəl bir oyun olacaq, ləzzətli bir oyun olacaq. Ora kimlər gələcək – ağdamlılar, bir də qəbələlilər. Belə olmalı deyil, ora «Neftçi»nin də fanatları gəlməlidir, «Zirə»nin də, «İnter»in də, AZAL-ın da, Sumqayıtın da. Eləcə də «Neftçi»nin, ya «İnter»in oyunlarına o biri komandaların da fanatları getməlidir. Bu bir möhtəşəm tamaşadı.

Yeri gəlmişkən, hər hansı bir filmə bəlkə 30-40 dəfə baxa bilirsən, hər hansı bir mahnını bəlkə 150 dəfə dinləyə bilirsən, «Leyli və Məcnun», «Koroğlu»ya bəlkə 20-30 dəfə baxa bilirsən, amma nəinki bir matçın təkrarına baxmağa həvəsin olur, hətta baxmadığın, amma hesabını bildiyin bir matça da baxmırsan. Çünki futbolun  möhtəşəmliyi tamamilə ayrı bir şeydi. Futbol əvəzsiz bir tamaşadı. İnsanda elə bir həyəcan yaradır ki, dünyada başqa heç bir nəsə bu həyəcanı yarada bilmir. Amma hesabı biləndə və təkrar olanda o həyəcanı yaşaya bilmədiyinə görə baxmağa həvəsin olmur. Komandalarımızı, eləcə də milli komandamızı Avropada çempion görmək istəyirsinizsə stadiona gəlin. Təkrarsız tamaşanı ayrı yerdə yaşaya bilmədiyiniz həyəcanla izləyin. Futbolçular da sizdən ilham alsın, ruh alsın.

Hər Avropa çempionatında görürsünüz, məşqçilər üzlərini tuturlar azarkeşlərə, əllərinin işarəsi ilə az qala dirijorluq edirlər ki, komandaya ruh versinlər.
Mən də belə istəyirəm, Qurbanov da, Qriqorçuk da, Adil Şükürov da, Tərlan Əhmədov da digər məşqçilərimiz də. Bax o Qvardiola kimi stadionda dirijorluq eləsinlər. Siz əgər gəlmirsizsə, onlar kimə dirijorluq edəcək?

Haydı futbol azarkeşləri, doldurun bu stadionları! Sevginizi, sevincinizi verin bu futbolçulara. Ondan sonra da onlardan qələbə tələb edin!

Aqil ABBAS

5548 dəfə baxılıb   
   Facebook Twitter MySpace Google
 
 

 
MÜƏLLİFİN DİGƏR YAZILARI                        
 
08.09.2017  14:24 İmkan verməyin, “Futbol saatı” bağlansın...
16.08.2017  16:46 Lobanovski və bizim Qurban
10.08.2017  18:34 AFFA, bəlkə Tahir Süleymanovu bu dəfə eşidəsiniz?
02.08.2017  12:55 Qurban, sizə və uşaqlarına qurban!
26.07.2017  15:49 Futbolun namərdliyi, Kamil də öldü...
19.04.2017  15:41 Olmayan Ağdam və olan Tovuz…
17.04.2017  13:17 Naxçıvanda! Mayın 5-də! Möhtəşəm futbol!
27.03.2017  12:50 “Kolxozçu”yla oynamırdıq ey, almanlarla oynayırdıq!
22.02.2017  14:47 Bizimkilər qırılıb qurtarıb ki?!
26.01.2017  15:04 Ey gözəl İmarət, ey gözəl “Qarabağ”
02.09.2016  16:00 Aydın, Səttarın ayaqyalın oynadığını heç gördünmü?
03.08.2016  15:35 Darıxmayın, Qarabağ atları hələ çox finişi fəth edəcək!
18.07.2016  16:36 Off bə! Ürəyimi boşaltdım!
28.04.2016  16:04 Futbolun utanc gecəsi
12.04.2016  16:08 "Böyük oyun" məni niyə kövrəltdi?!
04.12.2014  17:12 Budu bizim “Qarabağ”a sevgimiz?
09.10.2014  12:10 Ağılsız futbolçu və ya meymunun yanğın söndürməyi
18.08.2012  13:56 "Qarabağ"ı Ağdama qaytara bilməyənlər, Ağdamı qaytara biləcəklərmi?!
28.09.2011  13:00 Pəyədəki eşşəyin səsinə inananlar
 
 
  21.09.17
22:49
  Qapıçılardan möhtəşəm qurtarışlar - Video
21:41
  "Çelsi"nin futbolçusu avtomobil qəzasına düşdü
21:01
  İlkayın zədəsi ciddidir?
20:38
  "Real" son klubum olacaq" - Benzema
19:57
  "Kəpəz" məşqlərə başladı
19:21
  "Atletiko" rəsmən açıqladı - Kosta qayıdır
18:50
  "İnter" 17 yaşlı hücumçu aldı
18:20
  Premyer Liqamızda 6-cı turun - hakim təyinatları
18:10
  Sərgən Yalçın istefa verdi
17:40
  "Milan"da ciddi itki
17:12
  Srna futboldan kənarlaşdırıla bilər - dopinqə görə
17:00
  "Milliyə dəvət almağım sürpriz olmadı" - Ndlovu
16:34
  "Çelsi" "Atletiko" ilə razılaşdı - Kosta ilə bağlı
16:00
  Günün canlı oyunları - Etopaz-da
15:26
  “Qəbələ” sabiq hücumçusunu transfer etdi
15:04
  “Azərbaycanda səviyyəli hücumçu tapa bilmirik” – Samir Əliyev
14:28
  Rəşad Sadıqovun 14 yaşı olanda... – Tarixin şəkli
14:11
  Bakı 2020-ci ildə də ÇL finalı görməyəcək
12:58
  "İki aya qayıdacam" - Usman Dembele
12:29
  Foqts alman klublarını tənqid etdi
11:56
  Qarabağ” oyununun yeri dəyişdirildi
11:45
  "Real"da növbəti ciddi itki
11:16
  "Ümid edirəm ki, öz stadionumuzdakı finalda oynayacağıq" - Simeone
10:57
  "Çelsi" "Everton"a rəqib oldu
10:30
  "Real" son dəqiqədə xalsız qaldı - Video
10:14
  UEFA Millətlər Liqası və "Avro-2020" ilə bağlı qərarları açıqladı
09:45
  "Çelsi" 1/8 finalda
02:02
  "Atletiko" səfərdən 3 xalla dönür - Video
01:50
  "Real"dan gözlənilməz məğlubiyyət, "Atletiko"dan qələbə
01:10
  "Borussiya"dan səfər qələbəsi - Video
00:35
  Dəniz Yılmaz dubl etdi, "Bursaspor" mərhələ adladı - Video
00:14
  Kamran oynadı, komandası 1/8 finala çıxdı
00:01
  "Roma" bu qollarla qalib gəldi - Video
  20.09.17
22:33
  "Roma"dan darmadağın
22:12
  "Monako" iki futbolçusu ilə müqavilənin müddətini artırdı
21:07
  "Bu, əlamətdar hadisədir" - Rövnəq Abdullayev
20:50
  Zidan "Real"la yeni müqavilə imzaladığını açıqladı
20:02
  Avroliqanın finalı rəsmən Olimpiya stadionunda - UEFA açıqladı
19:54
  Məsut Özil sağaldı
19:11
  "Marca": Bakıda ÇL-in yox, Avroliqanın finalı olacaq
18:54
  Kavani "Çelsi"nin hədəfində
18:21
  UEFA Superkuboku İstanbulda
18:14
  "Neftçi" yaxşı vəziyyətdə deyil - Emin Mahmudov
18:00
  La Liqa klubu cərimələndi - azarkeş azlığına görə
17:17
  "Qarabağ"ın oyununa yalnız 2 manatlıq biletlər qalıb
17:05
  Samir Abasov “Voyvodina”nın düşərgəsində
16:55
  Noyer əməliyyat olundu - Şəkil
16:20
  Dino Ndlovu milliyə çağırıldı
16:05
  Gəncə stadionunun son durumu - Şəkil
15:54
  "Real" Benzema ilə müqaviləni artırdı - rəsmi
15:38
  Bu gün onların toyudur
15:36
  "Qarabağ"ın rəqibində yeni müqavilə
15:11
  UEFA-dan yeni qərarlar
14:50
  Bakı, yoxsa Madrid? - UEFA qərarı bu gün açıqlayır
14:21
  Günün canlı oyunları - Etopaz-da
BÜTÜN XƏBƏRLƏR
© 2008-2017 Qol.Az - Müəllif hüquqları qorunur. Məlumatdan istifadə etdikdə istinad mütləqdir. Yerləşdirilən reklamların mətninə görə redaksiya məsuliyyət daşımır.
  Proqramlaşdırma: Elshad100.
Livescore