«Qarabağ»ın müdafiəçisi və millimizin kapitanı Rəşad Sadıqov sabah «Xəzər Lənkəran»a qarşı keçiriləcək mühüm oyunöncəsi Qol.az saytının suallarını cavablandırıb
- Hazırda komandanızda əhval-ruhiyyə necədir?
- Normaldır. Bu dəqiqə Lənkərandayıq və sabahkı qarşılaşmaya hazırlaşırıq. «Qarabağ»ın heyətində ilk dəfə «Xəzər Lənkəran»a qarşı oynayacağam. Bildiyiniz kimi, bu komandanın çoxlu tərəfdarı var. Bu qədər azarkeş qarşısında oynamaq sevindirici haldır. Yerli azarkeşlər də oyunun gözəl və maraqlı keçməsi üçün əllərindən gələni edəcəklər .
- «Xəzər Lənkəran» və «Qarabağ» artıq «altılıq»da yerini təmin edib. Bu mənada, oyun həm də qızıl xallara görə xüsusi önəm daşıyacaq. İlk oyunda rəqibə qalib gəlmisiniz. Yəqin ki, sabahkı oyunda «Qarabağ»a heç-heçə də sərf edəcək.
- Əlbəttə, sizin də qeyd etdiyiniz kimi, bu oyunda qazanılacaq xallar qızıla bərabər olacaq. Ona görə də «Xəzər Lənkəran» qələbə üçün daha çox çalışacaq ki, bu da oyunun gərginliyini artıracaq. Biz isə əlimizdən gələni edəcəyik ki, Lənkərandan uğurlu nəticə ilə dönək. Təbii ki, əsas məqsədimiz «Xəzər Lənkəran»a məğlub olmamaqdır. Belə bir komanda ilə səfərdə bir xal qazanmağın özü də yaxşı nəticə sayılmalıdır.
- Qurban Qurbanov «Karvan»la oyunda səni meydana buraxmadı. Bu addım daha çox «Xəzər Lənkaran»la oyuna hesablanmışdı?
- Ümumiyyətlə, bizim komandanın sıx qrafiki var. Komandada futbolçuların sayı çoxdur. Məşqçilər heyəti də bütün futbolçulara şans vermək, onları yoxlamaq istəyir. Qurban Qurbanov məni meydana nəyə görə buraxmaması haqda bir söz deməmişdi.
- Sabahkı qarşılaşmaya özünü hazır bilirsən?
- Bəli.
- Rəqib komandanın ən çox hansı futbolçusundan ehtiyat edirsən?
- «Xəzər Lənkəran»ın hücum və yarımmüdafiə xətti çox güclüdür. Komanda oyununa görə Premyer Liqadakı klubların çoxundan fərqlənir. Rəqibimiz çox güclü heyətə malikdir. Bu komandanın göstərdiyi oyun, qazandığı ardıcıl qələbələr dediklərimi təsdiqləyir. Komandada çox güclü legionerlər də çıxış edir. Həm də bu komandanın Kamran Ağayev kimi qapıçısı var. Onu xüsusilə qeyd edərdim. O, qapıçı olmasına baxmayaraq, komandalarının oyunu getməyəndə oyunçulara təsir edə bilir. «Simurq»la «Xəzər Lənkəran»ın son oyununu videoyazısını izlədik. Kamran çox yaxşı, inamlı oyunu ilə seçildi. Bir sözlə, «Xəzər Lənkəran»ın çox güclü heyəti və təhlükəli oyunçuları var. Həmin futbolçulardan kimisə ayrılıqda fərqləndirmək istəməzdim.
- Milli komandamızın futbolçusu Mahir Şükürovla bağlı olaylardan yəqin ki, xəbərdarsan. Millidə oynamaqdan imtina edən Mahirə Foqts tərəfindən yenidən dəvət göndərilsə, bunu necə qarşılayacaqsan?
- Fikrimcə, Mahir milli komandaya dəvət edilməlidir. Onun son vaxtlar söz-söhbətə səbəb olan müsahibəsi haqda dəqiq bir söz deyə bilmərəm. Mahir hələ ötən ay Antalyada olanda mənə söyləmişdi ki, böyük ehtimalla Lüksemburqla oyunun hazırlıqlarına gəlməyəcəyəm. Dedi ki, «Anji»yə yeni keçmişəm, bu komandanın qarşıda xeyli gərgin oyunları var. Belə durumda futbolçunu da anlamaq lazımdır. Mən belə fikirləşirəm ki, futbolçu qarşılıqlı razılışma əsasında millinin heyətinə gəlməyə bilər. Təbii ki, rəsmi oyunların hazırlığını nəzərdə tutmuram. Hələ Türkiyənin «Kocaelispor» klubunda oynayanda Berti Foqts mənə də dəvət göndərmişdi. Mən baş məşqçiylə danışdım. Bildirdim ki, «Kocaelispor»un vacib oyunları olduğu üçün bu dəfə millinin təlim-məşq toplanışına məni çağırmayın. O da bu qərarımı anlayışla qarşıladı.
Bu mənada, komandanın kapitanı kimi, şəxsən mən Mahiri yenidən millidə görmək istəyirəm.
- Ümumiyyətlə, necə düşünürsən, yerli futbolçulardan Foqtsun diqqətindən kənarda qalanlar varmı?
- Fikrimcə, millidə oynamağa layiq olanların hamısına dəvət göndərilib. Azərbaycanda milli komandada oynamaq gücündə olan 50-60 yerli oyunçu var. Amma, axı, Foqts onların hamısını milliyə dəvət edə bilməz. Məşqçi onun üslubuna, taktikasına yaxın olan futbolçuları milliyə cəlb edir. Əvvəl komandaya 22 futbolçu dəvət alır, sonra onlardan 18-i seçilir. Əsas heyətdə bu 18 nəfərdən 11-i meydana buraxılır. Başqa sözlə, baş məşqçi bərabər səviyyədə olan iki oyunçudan birini seçir. Ona görə də, düşünürəm ki, bu məsələni çox da qabartmaq lazım deyil.
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi
PSJ-nin iki futbolçusu zədəsini sağaltdı
Ronaldo hakimə etiraz etdi - Şəkil
İngiltərə millisinin üzvü Avro-2024-ü buraxacaq
"Zirə"nin hücumçusu Niger millisində oyuna çıxdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi